Deklarata emocionuese e Eriksenit pas rikthimit me gol tek Danimarka

Futboll

Deklarata emocionuese e Eriksenit pas rikthimit me gol tek Danimarka

Më: 27 mars 2022 Në ora: 09:14
Christian Eriksen

Christian Eriksen thotë se është krenar dhe i nderuar që ia doli të tregoj se mund të luajë ende në nivele të larta përkundër arrestit kardiak që e pësoi verën e kaluar në Euro 2020.

Mesfushori me përvojë demonstroi edhe një herë se nuk është i mbaruar teksa u rikthye sonte në fushën e blertë në Kombëtaren e Danimarkës për herë të parë pas nëntë muajsh.

Dhe, ish-futbollisti i Ajaxit, Tottenhamit dhe Interit e bëri këtë me stil pasi realizoi gol vetëm dy minuta pasi hyri në lojë, ndërsa i krijoi edhe disa raste për shokët e skuadrës.

Ai theksoi se ndihet komod pasi u rikthye dhe se është i gatshëm t’i ndihmojë danezët edhe në Botërorin 2022.

“Isha i nderuar që munda të tregoja se mund të luaj ende”, ka thënë Eriksen për “Dutch TV”.

“Ndiej sikur nuk kam qenë kurrë larg ekipit. Ishte paksa emocionuese të rikthehesha në kombëtare, por jam ndier keq sa herë kam munguar në 10 vjetët e fundit. Unë ndihem si pjesë e familjes”, shtoi Eriksen.

“U ndjeva i mirëseardhur (nga tifozët holandezë). Kam qenë këtu më herët (kur luante për Ajaxin) për disa vite dhe natyrisht se ata më njihniin. Por, ishte një pritje e ngrohtë nga zemra, natyrisht”, u shpreh mesfushori kreativ për “Sky Sports”.

“Isha i lumtur që topi erdhi tek unë dhe natyrisht, ishte një përfundim i bukur. Të kthehem në Kombëtare në këtë formë ishte natyrisht mënyra më perfekte. Mezi pres të luaj në Botëror, por ka edhe shumë ndeshje të tjera në mes tyre dhe jam i fokusuar tek ato”, përfundoi futbollisti i Bentfordit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat