Real Madridi propozon shkëmbimin e çmendur

Futboll

Real Madridi propozon shkëmbimin e çmendur

Më: 31 mars 2022 Në ora: 12:03
Real Madridi propozon shkëmbimin e çmendur

Zëra të rinj mbërrijnë nga Spanja për ofertën e mundshme që Real Madridi mund të përgatisë së shpejti për mesfushorin e Napolit, Fabian Ruiz. Sipas “El Chiringuito de Jugones”, klubi madrilen pritet të ofrojë në këmbim letrat e dy lojtarëve që kanë qenë prej kohësh në margjinat e skuadrës, Luka Jovic dhe Dani Ceballos, për të bindur Aurelio De Laurentiis që ta ulë çmimin.

Ish-lojtari i Betis ka qenë prej kohësh në fletoret e merkatos së Realit. Me skadimin e kontratës në vitin 2023, Fabian Ruiz është një kërkesë specifike që Carlo Ancelotti i bëri presidentit të klubit spanjoll Florentino Perez për të modernizuar mesfushën.

Lojtari tashmë i sprovuar nuk do të hezitonte për këtë lëvizje, por vlerësimi që klubi napolitan ka për të, mbi 50 milionë euro, aktualisht është shumë i lartë për spanjollët, të cilët po punojnë për të gjetur një zgjidhje që kënaq të gjitha palët.

Luka Jovic dhe Dani Ceballos janë dy profilet që Reali do t’i propozonte klubit blu për një zbritje të rëndësishme në kartonin e Fabian Ruiz. Të dy janë në skajet e skuadrës së Ancelottit. Sulmuesi serb, i vlerësuar me rreth 30 milionë euro dhe i propozuar tashmë pa sukses te Monaco dhe Borussia Dortmund, mund të jetë i dobishëm për të përforcuar repartin sulmues të Spalletti.

Sipas mediave spanjolle, Ceballos mund të jetë një zgjidhje edhe më bindëse, sepse do të mbushte boshllëkun e lënë nga largimi i Fabian Ruiz.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat