Para ndeshjes kundër Manchester Cityt, flet Klopp

Futboll

Para ndeshjes kundër Manchester Cityt, flet Klopp

Më: 8 prill 2022 Në ora: 12:11
Klopp

Trajneri i Liverpoolit Jurgen Klopp ka të gjithë skuadrën e gatshme për përballjen tejet interesante të së dielës me rivalin direkt për titull të Premier Ligës angleze, Manchester Cityn.

Para ndeshjes e cila mund të jetë vendimtare për titull, City kryeson tabelën me vetëm një pikë diferencë ndaj Liverpoolit, por inferiorë në gol-diferencë, respektivisht 52-57 në favor të skuadrës së Jurgen Klopp.

Ndërkaq, këtë javë të dy skuadrat zhvilluan ndeshjet e tyre në çerekfinale të Ligës së Kampionëve, ku City e mposhti me rezultat minimal 1:0 Atletico Madridin, kurse Liverpooli shënoi fitore me rezultat 3:1 kundër Benficas.

Tani, Klopp sot e konfirmoi që skuadra e tij është rikthyer nga ndeshja me Benfican pa probleme me lëndime.

“Herën e fundit që kontrollova në telefonin tim, të gjithë ishin në rregull”, Klopp.

Trajneri gjerman shtoi se të kesh një kundërshtarë si City i Pep Guardiolas ka qenë ndihmë e madhe, pasi që rivaliteti mes dy skuadrave ka rezultuar të jetë i dobishëm për të dyja.

“Sigurisht, nëse luan futbollin në nivelet më të larta, fokusi është vetë në ndeshjet e tua. Në sport, unë mendoj se ajo që ndihmon më së shumti është një kundërshtarë i fortë. Veçanërisht në të ardhmen. Unë mendoj që Nadal dhe Federer e kanë shijuar rivalitetin e tyre. Kështu e ka sporti. Nuk do të thosha që jam falënderues që City është kaq i fortë, por kjo gjë nuk ka bërë dëme në zhvillimin tonë”, tha Klopp.

Të dielën me fillim nga ora 17:30, kampioni anglez Manchester City pret në shtëpi në stadiumin “Etihad” gjigantin e Premier Ligës, Liverpoolin, ndeshje kjo e cila mund të jetë vendimtare për titull.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat