Interi është me mision në Madrid

Futboll

Interi është me mision në Madrid

Më: 13 prill 2022 Në ora: 14:47
Interi është me mision në Madrid

Interi është me mision në Madrid, jo për të përgatitur goditjet për sesionin e ardhshëm të merkatos, por për largimet.

Sipas asaj që raporton e përditshmja sportive italiane, “Corriere dello Sport”, drejtori sportiv i zikaltërve, Piero Ausilio është në kryeqytetin spanjoll për të parë interesin e Atletikos së Madridit për Lautaro Martinezin, i cili mund të jetë “TOP Player”-i që do të sakrifikohet nga klubi nga Milano.

Tetorin e kaluar, sulmuesi argjentinas rinovoi me Interin deri më 30 qershor 2026, në kontratën e re nuk është më klauzola e vjetër e largimit prej 111 milionë eurosh dhe çmimi i lojtarit tani varion rreth 70-80 milionë euro.

“Cholo” Simeone e dëshiron fort “demin” zikaltër dhe ka kërkuar në mënyrë specifike që ai të udhëheqë sulmin e “Los Colchoneros”.

Aktualisht gjatë këtij sezoni me fanellën e Interit, Lautaro Martinez është aktivizuar gjithsej në Serinë A në 28 ndeshje nga ku ka shënuar 14 gola dhe ka dhuruar dhe 2 asiste për shokët e tij të skuadrës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat