Klubi shkarkon pas 10-vitesh trajnerin

Futboll

Klubi shkarkon pas 10-vitesh trajnerin

Më: 15 prill 2022 Në ora: 13:16
Klubi shkarkon pas 10-vitesh trajnerin

Pas 10-viteve në Turf Moore, Burnley vendos të shkarkojë trajnerin Sean Dyche.

Me 24 pikë dhe në vendin e 18-të të klasifikimit, skuadra në këtë sezon rrezikon të largohet nga Premier League dhe të zbresë në Championship, ndaj drejtuesit kanë vendosur të marrin masa për të shkundur lojtarët dhe për të dalë nga zona e ftohtë e renditjes.

Burnley ka fituar vetëm një nga shtatë ndeshjet e fundit dhe në këtë formë, shkarkimi i 50-vjeçarit ishte i paevitueshëm.

Megjithatë, nën drejtimin e Sean Dyche, Burnley arriti dy herë ta ngjiste skuadrën në Premier League, ndërsa ia ka dalë edhe ta mbyllë një sezon në vendin e shtatë duke e dërguar Burnleyn në Evropë.

Ndërkaq, në ndeshjen e radhës në kampionat atë ndaj West Ham skuadrën pritet ta drejtojë trajneri i skuadrës U23 Mike Jackson i asistuar edhe nga drejtori i akademisë Paul Jenkins, ndërsa në këtë moment të vështirë, drejtuesit i kanë kërkuar edhe kapitenit të klubit Ben Mee të kontribuojë në menaxhimin e skuadrës derisa të zyrtarizohet trajneri i ri që do të pasojë Sean Dyche.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat