Me fitoren ndaj Genoa, Milani rifitoi vendin e parë në renditje, pas parakalimit të përkohshëm të Interit. Ndër mesazhet e urimit për klubin kuqezi është një në veçanti, ai i Mohammed Al Ardhit.
Në orët kur zërat për një negociatë mes “Investcorp “dhe “Elliott” për shit-blerjen e Milanit po shtohen, është normale që një postim në Twitter nga presidenti ekzekutiv i fondit të Bahreinit të shkaktojë reagime të mëtejshme.
“Urime Milanit për rikthimin në krye të kampionatit italian. Gëzuar Pashkët klubit, tifozëve të tij dhe të gjithë atyre që festojnë me këtë rast”, – ishte mesazhi “social” i Mohammed Al Ardhit.
Një ish-ushtarak (i diplomuar në Akademinë Ushtarake të Forcave Ajrore Mbretërore të Mbretërisë së Bashkuar në Shkenca Ushtarake), por dhe shkrimtar (ai ka botuar tre libra), Omani Al Ardhi ka shërbyer gjithashtu si kreu i Forcave Ajrore të vendit të tij në të kaluarën.
Në vitin 2008 iu bashkua “Investcorp” si drejtor, shtatë vite pas emërimit të tij si president. Ai gjithashtu mban të njëjtin pozicion si “Sohar International”, një nga institucionet kryesore financiare të Omanit, ndërsa në vitin 2017 ishte president i Bankës Kombëtare të Omanit.
Pasioni i Al Ardhit për sportin shihet nga llogaria e tij në Twitter. Pak ditë pas kalimit të Messit te PSG, ai ndau statistikat e golave të Messit me fanellën e Barcelonës. Në prill të një viti më parë, ai uroi Manchester City për titullin.
