Manaj shënon përsëri në Serie A

Futboll

Manaj shënon përsëri në Serie A

Më: 23 prill 2022 Në ora: 17:40
Manaj shënon përsëri në Serie A

Manaj shënon përsëri në Serie A!

Rei Manaj ka gjetur përsëri rrugën e rrjetës sot, duke shënuar në sfidën ndaj Torinos që skuadra e Specias luajti në transfertë.

Sulmuesi i përfaqësues shqiptare zhvilloi një ndeshje të mirë si titullar ndaj torinezëve ku në portë ishte Milinkoviç-Saviç dhe jo Berisha. Torino shënoi dy herë me anë të Lukiç, duke ndalur më pas iniciativat e Specias drejt portës. Por në fund Manaj ia doli të fitonte një penallti, edhe pse fillimisht u mendua se kishte qenë në pozicion jashtë loje.

VAR gjithsesi konfirmoi pozicionin e tij të rregullt e kështu, sulmuesi i përfaqësueses goditi nga pika e bardhë duke shënuar në minutën e 97 të sfidës një gol që më tepër i vlen për statistikat personale pasi sfida u mbyll me fitoren 2-1 të Torinos. Ky ishte goli i 5-të në Serinë A në këtë sezon për sulmuesin e përfaqësueses shqiptare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat