Derbi i shqiptarëve në Serie A

Futboll

Derbi i shqiptarëve në Serie A

Më: 24 prill 2022 Në ora: 14:27
Derbi i shqiptarëve në Serie A

Do të startojë në orën 15:00, në stadiumin “Carlo Castellani”, sfida Empoli-Napoli, e vlefshme për javën e 34-të në Serinë A italiane.

Empoli i shqiptarëve do të kërkojnë fitoren e parë të vitit kalendarik 2022, ku i mungon që prej dhjetorit pikërisht ndaj napoletanëve.

Skuadra e Luçiano Spaletit do të kërkojë tre pikët për të qenë ende në ndjekje të dy milanezëve në krye.

Kjo ndeshje mund të quhet dhe si derbi i shqiptarëve duke parë se nga skuadra toskane, janë Kristjan Asllani, Nedim Bajrami dhe Ardian Ismajli ndërsa te Napoli është mbrojtësi i Kosovës, Amir Rrahmani.

Në 11-shen startuese trajneri i Empolit, Andreacoli ka preferuar vetëm Asllanin, ndërsa nga krahu tjetër është në formacion edhe Rrahmani me të kaltërit. Derbi i shqiptarëve në Serie A.

FORMACIONET ZYRTARE –

EMPOLI – (4-3-1-2): Vikario; Stojanoviç, Viti, Luperto, Parizi; Zurkovski, Asllani, Bandineli; Verre; Kutrone, Pinamonti. Trajner: Aurelio Andreacoli.

NAPOLI – (4-2-3-1): Meret; Zanoli, Rrahmani, Huan Zhezus, Mario Rui; Fabian Ruiz, Anguisa; Lozano, Mertens, Insinje; Ozimhen. Trajner: Luçiano Spaleti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat