Barcelona ia cakton çmimin De Jongut

Futboll

Barcelona ia cakton çmimin De Jongut

Më: 25 prill 2022 Në ora: 16:38
Frenkie De Jong

Frenkie De Jong mund të largohet nga Barcelona gjatë afatit kalimtar të verës, teksa Manchester United besohet se ka shprehur interesim serioz për mesfushorin. 

Trajneri i ri i skuadrës angleze, Erik ten Hag, i cili do të marrë drejtimin e skuadrës nga sezoni i ardhshëm, thuhet se e dëshiron transferimin e De Jong pasi e pëlqen lojën e tij dhe beson se do të ishte përforcimi i duhur.

Ten Hag dhe De Jong kanë punuar së bashku vite më parë te Ajaxi.

“El Chiringuito” ka raportuar se Barcelona do ta lejojë largimin e mesfushorit holandez dhe se për të kërkon së paku 70 milionë euro.

Katalunasit thuhet se nuk e shohin 24-vjeçarin si te paprekshëm në formacionin bazë.

De Jong me Barçën ka kontratë të vlefshme deri më 30 qershor 2026.

comment Për komente lëvizni më poshtë
Sot mund të lexoni Shfletoni kopertinat