Pas titullit në La Liga e pyesin për Mbappen, ja përgjigja e Ancelottit

Futboll

Pas titullit në La Liga e pyesin për Mbappen, ja përgjigja e Ancelottit

Më: 30 prill 2022 Në ora: 20:45
Pas titullit në La Liga e pyesin për Mbappen, ja përgjigja e Ancelottit

Gjiganti spanjoll Real Madrid ka fituar titullin e 35 në histori të La Ligas, pasi që u shpall sot kampion i sezonit 2021/22.

Katër ndeshje pa përfunduar sezoni, në kuotën e 81 pikëve Real Madridi u shpall kampion pas fitores së sotme 4:0 kundër Espanyolit.

Pas ndeshjes, për mediat foli trajneri i skuadrës Carlo Ancelotti, i cili u shpreh tejet i lumtur, ndërkaq edhe në konferencën e sotme nuk munguan pyetjet për yllin francez Kylian Mbappe.

Ancelotti la një pikë shprese për tifozët madrilenë në garën për nënshkrimin e Mbappes, por refuzoi që të jep ndonjë detaj shtesë.

“Mbappe te Real Madridi? Me këtë klub, me këtë president, e ardhmja veçse është e shkruar”, tha Ancelotti.

I pyetur nëse kjo do të thotë që Mbappe do të transferohet, Ancelotti u përgjigj: “Unë nuk e thash atë gjë”.

Po ashtu, trajneri italian Carlo Ancelotti është bërë trajneri i parë në histori të futbollit që arrin të fitojë çdo titull në Top 5 ligat më të mira evropiane.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat