Eto’o paralajmëron ndeshje miqësore në San Siro

Futboll

Eto’o paralajmëron ndeshje miqësore në San Siro

Më: 3 maj 2022 Në ora: 21:14
Eto’o paralajmëron ndeshje miqësore në San Siro

Ish-sulmuesi i Interit, Samuel Eto’o, paralajmëron një lojë miqësore në San Siro më 23 maj me shumë legjenda të tjera të futbollit si Francesco Totti, Andrea Pirlo dhe Leo Messi.

Eto’o tani është bërë president i Federatës së Futbollit të Kamerunit dhe ka organizuar një lojë miqësore në Itali për të mbledhur fonde për OJQ-në e tij dhe Slums Dunk.

"Nuk dua të flas për futbollin, por çfarë mund të bëjë ky sport për të favorizuar përfshirjen dhe integrimin,” tha ai për La Repubblica.

“Është një mjet i jashtëzakonshëm sepse kapërcen pengesat dhe flet çdo gjuhë. Kam luajtur në shumë vende dhe si Spanja ashtu edhe Italia më pritën ngrohtësisht. Mesazhi është se ne mund të jetojmë të gjithë së bashku, duke respektuar njëri-tjetrin edhe nëse ka klube që mendojnë se janë më të rëndësishëm se të tjerët dhe priren të riafirmojnë disa hierarki. Unë besoj në multikulturë.

Sporti është i mrekullueshëm sepse ka një rol për të gjithë. Jam përballur edhe me këngë majmunësh dhe kam pasur probleme edhe në rrugë, por mund t’ju them se Italia është vendi më pak racist në Evropë dhe ndoshta më pak hipokrit. Familja ime ende jeton në Milano, gruaja ime ndihet mirë atje.

Ata në stadium janë minoritete që prishin imazhin e vendit. Nuk e kuptoj se si nuk e kanë zgjidhur ende këtë problem. Në Angli, ata ia kanë dalë ta bëjnë këtë. Ne kurrë nuk duhet të dorëzohemi dhe të fokusohemi te fëmijët që kthehen në shtëpi dhe dëgjojnë të rriturit të flasin për këto gjëra në një mënyrë të caktuar”, tha ai.

Leo Messi, një ish-bashkëlojtar i Eto’o-s në Barcelonë, do të jetë në San Siro më 23 maj për ndeshjen miqësore së bashku me legjendat e tjera të futbollit. Në lojë do të marrin pjesë edhe Wesley Sneijder, Andrea Pirlo, Clarence Seedorf, Paulo Dybala, Pippi Inzaghi, Andriy Shevchenko dhe Lilian Thuram, ndër të tjera.

Si e bindi Eto’o Messin të bashkohej?

“Isha te Barcelona kur ai u promovua në ekipin e parë dhe i dhashë disa këshilla. I thashë: ‘Çfarë dëshiron të bësh, të jesh një futbollist mesatar apo të punosh shumë për t’u bërë dikush?’

“Për mua, ai është më i miri, ne ende flasim ndonjëherë, kështu që e thirra”, tregoi ai.

commentFirst article
Sot mund të lexoni Shfletoni kopertinat