Tifozët e Interit duhet të qetësohen, pasi Lautaro Martinez vështirë se do të largohet nga kampionët e Italisë. Të paktën kështu shprehet agjenti i futbollistit në Radio Colonia, Alejandro Camano.
Camano thotë se argjentinasi është i lumtur në Milano.
“Nuk po presim ose nuk po kërkojmë një transferim. Ai është i lumtur tek Interi. Qyteti është i mrekullueshëm. Mendojmë vetëm për Interin. Lautaro do të na japë shumë gëzime në vitet e ardhshme, kudo që të shkojë do të jetë një argëtues për publikun.Vjen nga një skuadër shumë e mirë si Racing, ka vuajtur dhe tashmë është i lumtur” – tha ai.
Martinez ka shënuar 17 gola në 32 ndeshje. Ky është sezoni i tij i katërt te Interi.
