Ekipi i Veselit del për herë të parë nga zona e ftohtë

Futboll

Ekipi i Veselit del për herë të parë nga zona e ftohtë

Më: 5 maj 2022 Në ora: 22:16
Ekipi i Veselit del për herë të parë nga zona e ftohtë

Pak kush mund ta mendonte disa muaj më parë se Salernitana do i shpëtonte rënies nga kategoria.

Madje as vet klubi nuk e besonte se diçka e tillë vërtetë ishte e mundur.

Të gjendur në vendin e fundit në renditje, me një seri rezuktatesh negative dhe me një diferencë të konsiderueshme pikësh, te Salernitana e mendojnë sezonin e tyre të pashpresë dhe nisin të thurin plane për atë pasardhësin në Serinë B.

Më 15 shkurt, Nikola vjen në krye të pankinës dhe ndryshon tërësisht situatën, duke vërtetuar se edhe mrekullitë ndodhin.

Me fitoren 2-1 të arritur sot kundër Venecias, Salernitana del për herë të parë jashtë zonës së ftohtë për këtë sezon.

Tashmë ekipi në të cilin bën pjesë edhe Frederik Veseli gjendet në vendin e 17 me 1 pikë më shumë se Kaljari.

Të dyja këto skuadra do të përballen me njera-tjetrën javën e ardhshme, në një sfidë vendimtare për mbijetesën.

Ndërkohë fati i buzëqesh Salernitanës në këto javë të mbetura, ku ka edhe kalendarin aleat. Salernitana do të përballet me Empolin dhe Udinezen, ndërsa Kaljari me Interin dhe Venecian.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat