Shqiptarit pas problemit me të dashurën, vjen goditja e radhës për të

Futboll

Shqiptarit pas problemit me të dashurën, vjen goditja e radhës për të

Më: 6 maj 2022 Në ora: 13:31
Shqiptarit pas problemit me të dashurën, vjen goditja e radhës për të

Ashtu si jeta private, edhe karriera futbollistike po i shkon përmbys Mërgim Berishës.

Fenerbahçe ka vendosur të ndahet me gjashtë lojtarë, përfshirë këtu edhe sulmuesin e Kosovës, pasi që ata nuk i përshtaten strukturës së ekipit.

Për këtë siguron mediumi turk “Fanatik”.

Përfaqësuesi i të rinjve të Gjermanisë së fundmi ishte në qendër të vëmendjes pas akuzave për sulm fizik ndaj të dashurës së tij, Vesa Vllasaliu, të cilin e goditi dhe nuk e lejoi t’i merrte gjësendet e saj nga banesa ku po bashkëjetonte çifti.

Fenerbahçe, e cila po planifikon të bëjë revolucion gjatë verës, do të ndahet me gjashtë lojtarë, përfshirë këtu edhe sulmuesin e Kosovës.

Ai i ka zhvilluar 22 ndeshje me ekipin Verdhekaltër, duke i realizuar 4 gola dhe ndërkohë i ka bërë edhe 2 asistime.

Klubi turk do të merret vesh me lojtarët që kanë ende kontratë, për ta ndërprerë atë me marrëveshje të dyanshme, ndërsa Berishës i duhet ta kërkojë një klub të ri verën që vjen.

Berishës i është ndaluar të takohet dhe ta kontaktojë në çfarëdo forme për dy muaj të dashurën e tij, e cila e denoncoi në polici për sulm fizik.

Nëse e bën një gjë të tillë, ai rrezikon të burgoset deri në 1 muaj.

Berisha akuzohet për dhunë fizike, kërcënim dhe konfiskim të gjërave, ndaj të dashurës së tij, modeles Vesa Vllasaliu, me të cilën po planifikonin të martoheshin, por gjithçka u prish pas një mosmarrëveshjeje në mes të çiftit, i cili po bashkëjetonte nga shtatori i vitit 2021.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat