Katër arsyet pse Real Madrid hoqi dorë nga Haaland

Futboll

Katër arsyet pse Real Madrid hoqi dorë nga Haaland

Më: 10 maj 2022 Në ora: 21:11
Katër arsyet pse Real Madrid hoqi dorë nga Haaland

Erling Haaland do të luajë me Manchester City-n sezonin e ardhshëm. Anglezët kanë lajmëruar arritjen e marrëveshjes me Borussia Dortmund këtë të martë.

Konkurrenti kryesor i Manchester City në garën për të siguruar shërbimet e sulmuesit norvegjezishte Real Madrid, por spanjollët kanë vendosur të mos bëjnë asnjë ofertë.

Arsyeja kryesore për këtë, sipas Marca-s, ka qenë Kylian Mbappe. Sulmuesi i Paris Saint-Germain ka qenë objektivi numër një i Los Blancos që nga 2017-ta.

Arsyeja e dytë ka qenë kontrata e kampionit të botës që skadon këtë verë dhe spanjollët kanë mundësinë të marrin me kosto zero një lojtar me vlerë 150 milionë euro.

Për shkak të kësaj, plani financiar i Los Blancos është përqendruar te francezi dhe jo te norvegjezi. Arsyeja tjetër që ka shtyrë madrilenët të heqin dorë nga Erling ka qenë shpërthimi i Karim Benzema në këtë sezon, me francezin që tani konsiderohet qendërsulmuesi më i mirë në botë.

E katërta dhe e fundit, investimi për Haaland do të kishte qenë shumë i madh. Real Madrid është në një situatë shumë të mirë financiare, por një shpenzim kaq i rëndësishëm për një lojtar që ka patur probleme me dëmtimet (ka munguar tre muaj në këtë sezon) nuk mund të bëhej.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat