Presidenti i Federatës së Futbollit të Ukrainës, Andrei Pavelko, prezantoi fanellën me të cilën kombëtarja e shtetit të tij do të luajë ndeshje miqësore dhe kualifikuesen për Kampionatin Botëror - Katar 2022.
Shumë media serbe i vërsulen Ukrainës për shkak të Kosovës.
“Kombëtarja e futbollit të Ukrainës në periudhën e ardhshme do të luajë ndeshje miqësore me fanella me flamujt e vendeve që e mbështesin.
Presidenti i Federatës së Futbollit të Ukrainës, Andrej Pavelko, ka bërë të ditur se këto fanella do të përdoren vetëm në ndeshjet përgatitore.
Në pjesën e përparme të fanellës, së bashku me stemën e Ukrainës dhe logon e prodhuesit të pajisjeve, është ngjitur mbishkrimi "U24", e cila shpall hyrjen e mundshme të Ukrainës në Bashkimin Evropian.
Nën atë afishe, kufijtë shtetërorë të Ukrainës janë të ngjyrosur dhe të shënuar me flamujt e "shteteve që mbështesin Ukrainën", aty është vendosur flamuri i Serbisë, por edhe flamuri i shtetit të vetëshpallur të Kosovës, gjë që Ukraina nuk e njeh zyrtarisht.
Në anën e pasme të fanellës, përmes numrave, janë emrat e qyteteve të përfshira në konfliktin mes Ukrainës dhe Rusisë”, shkarravit media serbe “Kurir”.
