Gjithçka gati për turneun “Burim Hatipi”

Futboll

Gjithçka gati për turneun “Burim Hatipi”

Më: 17 maj 2022 Në ora: 19:45
Gjithçka gati për turneun “Burim Hatipi”

Shoqata e Gazetarëve Sportivë të Kosovës, vazhdon traditën e organizimit të aktivititetit kryesor, turneun e futbollit të vogël “Burim Hatipi”.

SHGSK-ja, tashmë tradicionalisht e organizon këtë event që i kushtohet doajenit të gazetarisë sportive, ish-futbollistit e trajnerit të KF Prishtina, Burim Hatipi.

Ky aktivitet mbahet më 20 maj 2022, (e premte) në Palestrën e Sporteve “1 Tetori” në Prishtinë, duke filluar nga ora 10:00.

Në këtë turne, do të marrin pjesë katër ekipe, si: Gazetarët Sportivë, FC Prishtina, Komiteti Olimpik i Kosovës dhe Kuvendi Komunal i Prishtinës.

"“Ne si Bord i SHGSK-se, vazhdojme traditen e organizimit te ketij turneu, qe si cdo vit, mbledh shume personalitete te ndryshme sportive dhe jo vetem.

Ne nderojme figuren e çmuar, doajenin e gazetarise sportive, Burim Hatipi. Sikurse deri me tani, edhe kete vit krahas ekipeve pjesemarrese, turneun do ta respektojne shume personalite sportive nga jeta kulturore e sportive ne vend.

Jam shume i nderuar me punen qe ka bere ky bord, pasi e permbyllem me shume sukses ceremonine “Ali Shala”, jam i bindur qe edhe ky aktivitet qe eshte ne kalendarin e Shoqates se Gazetareve Sportive te Kosoves, do ta perfundojme ne menyren me te mire te mundshme”, ka thënë presidenti i SHGSK-së, Edmond Thaçi.

Agjenda e turneut:

- 9:00 - Homazhet tek varri i Burim Hatipit (Dragodan)

- 9:45 - Hapja Zyrtare e turneut

- 10:00 - Fillimi i turneut

- Rreth orës 12:00 - ndeshja finale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat