Berisha drejt largimit nga Reimsi

Futboll

Berisha drejt largimit nga Reimsi

Më: 18 maj 2022 Në ora: 13:11
Berisha drejt largimit nga Reimsi

Eksperienca e Valon Berishës në futbollin francez duket se po shkon drejt fundit.

Reimsi po planifikon ta shesë futbollistin i Kosovës në afatin kalimtar të verës.

Mediat franceze raportojnë se mesfushori, bashkë me shokun e skuadrës, Anasasios Donis, janë vënë në listën e transfereve nga klubi i Ligue 1.

29 vjeçari i ka zhvilluar 13 ndeshje në kampionatin francez këtë sezon, ndërsa e ka bërë një asistim.

Futbollisti i rritur në Suedi dhe i cili e përfaqësoi Norvegjinë para se t’i bashkohej Kosovës, ka kontratë me Reimsin deri më 30 qershor të vitit 2024.

Por, ai nuk i ka përmbushur pritshmëritë e klubit francez, i cili e kishte blerë nga Lazio në vitin 2020.

Tash, Reimsi është duke kërkuar klub blerës për mesfushorin me tipare ofanzive, por që ka aftësi edhe në aspektin defanziv.

Duhet pranuar se Berisha ka pasur rënie të formës në vitet e fundit, si në nivelin e klubeve ashtu edhe në atë me Kombëtaren e Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat