PSG heq nga shitja fanellat e “yllit” të skuadrës

Futboll

PSG heq nga shitja fanellat e “yllit” të skuadrës

Më: 18 maj 2022 Në ora: 15:18
PSG heq nga shitja fanellat e “yllit” të skuadrës

Indiciet bëhen gjithnjë e më të shumta. Kylian Mbappe është i destinuar të përforcojë një repart sulmi që edhe tani është spektakolar, atë të Realit të Madridit. Prova e fundit, siç bëjnë të ditur mediet ndërkombëtare, vjen nga dyqanet zyrtare të PSG-së.

Nuk mund të blihet fanella e sulmuesit dhe madje as të shkruhet pas emri i Mbappe, që duket se që tani po fillon të konsiderohet si e kaluara e klubit parizien. Zgjedhja e tij për të mos rinovuar kontratën, pavarësisht një oferte shumë bujare, nuk është pritur mirë nga ana e klubit.

Saga Mbappe-Real, që zgjat prej më shumë se një viti, duket se po arrin në seritë finale.

Në orët e fundit, jepet praktikisht i kryer kalimi i tij në klubin e Florentino Perez, dhe heqja e fanellës së tij nga shitja në dyqanet e PSG është një kapitull final i një historie që po arrin drejt fundit, mbi të gjitha nëse mendon se është lejuar blerja e fanellës së tij vetëm për vitet e kaluara. Prova finale e faktit se Mbappe është drejt largimit përfundimtar nga PSG.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat