Conte është vetëm 90 minuta larg objektivit të tij

Futboll

Conte është vetëm 90 minuta larg objektivit të tij

Më: 18 maj 2022 Në ora: 18:18
Conte është vetëm 90-minuta larg objektivit të tij

Antonio Conte është vetëm 90-minuta larg objektivit të tij për të kualifikuar Tottenham-in në Champions League-n e sezonit të ardhshëm.

Tekniku italian ia doli të ndryshonte “fytyrën” e Spurs-ave pas një starti të dobët të kampionatit, ndërsa tashmë 52-vjeçari po mendon që me anë të disa përforcimeve në merkato të bëjë të mundur që në sezonin e ardhshëm, skuadra të ngrihet në nivelin e pretendentëve për titullin e Premier League.

Një nga objektivat e Contes është mesfushori i Aston Villa-s, John Mcginn. Futbollisti i kombëtares skoceze ka qenë autor i një sezoni pozitiv teksa ka ruajtur një ritëm konstant dhe është aktivizuar në 33 ndeshje të këtij sezoni.

Madje, 27-vjeçari ka regjistruar edhe tre gola dhe tre asiste duke shfaqur edhe aftësitë në ofensivë.

Mbetet, për t’u parë tashmë nëse drejtuesit e Tottenham do të arrijnë të bindin Aston Villa-n të heqë dorë nga mesfushori të cilin e kanë pjesë të tyren prej vitit 2018 kur e transferuan nga Hibernian për shumën e 2.5 milionë paundëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat