Manchester United pas lojtarit të Ajax, Martinez

Futboll

Manchester United pas lojtarit të Ajax, Martinez

Më: 20 maj 2022 Në ora: 00:46
Lisandro Martinez

Manchester United janë vënë pas qendërmbrojtësit të Ajax, Lisandro Martinez.

Erik ten Hag tashmë ka filluar të shënjestrojë lojtarët për t`i transferuar drejt ‘Old Trafford’ gjatë mërkatos së verës.

Së bashku me teknikun holandez në Mançester pritet të zbarkojnë lojtarë të Ajax, pasi duket se Ten Hag nuk heq dorë nga futbollistët e skuadrës holandeze.

Duke njohur mirë lojtarët që ka pasur nënurdhrat e tij, trajneri i United tashmë kërkon edhe transferimin e qendërmbrojtësit argjentinas, Lisandro Martinez.

Sipas “The Telegraph” 24-vjeçari vlerësohet shumë nga ten Hag, i cili e shikon si shumë të domosdoshëm për të përforcuar repartin e mbrojtjes së ‘Djajve të Kuq’, pasi Martinez është i aftë të luajë në qendër të mbrojtjes, por edhe si mesfushor.

Argjentinasi ka tre sezone të mbetura në marrëveshjen e tij me Ajaxin dhe vlerësohet në rreth 25 milionë funte.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat