Tirana gjen Apoloninë në finale

Futboll

Tirana gjen Apoloninë në finale

Më: 21 maj 2022 Në ora: 23:26
Tirana gjen Apoloninë në finale

Tirana do të përballet me Apoloninë në finalen e madhe të Kategorisë Superiore U-19.

Pas një kampionati të gjatë të zhvilluar në dy grupe u luajtën edhe ndeshjet e fazës play-off që nisën fundjavën e kaluar, teksa dje dhe sot u zhvilluan dy ndeshjet gjysmëfinale.

Apolonia siguroi një biletë për në finalen e këtij edicioni pasi mundi Football Republic me penallti. Takimi i zhvilluar pasditen e djeshme në Pezë e mbylli kohën e rregullt me shifrat 1-1, me skuadrat që iu drejtuan më tej penalltive, nga ku fierakët u treguan më të saktë.

Sakaq, gjysmëfinalja tjetër kishte rezervuar derbin Partizani – Tirana, një sfidë që sjell gjithmonë emocione, pavarësisht moshës.

Skuadrat zhvilluan një ndeshje të fortë ditën e sotme, ku për 90 minuta, portat qëndruan të paprekura. Ekipi i Partizanit humbi rastin e artë për të kaluar në avantazh në minutën e 85-të, me Hodon, i cili nuk arriti të realizojë daktë një penallti, teksa në minutat shtesë të kohës së rregullt, bardheblutë gjejnë golin e finales me Hasanas.

Kështu, finalja e këtij sezoni futbollistik për Kategorinë Superiore U-19 do të diskutohet mes Apolonisë dhe Tiranës.

Gjysmëfinalet e Kategorisë Superiore U-19

Apolonia-Football Republic 1-1 (5-4 Penallti)

KF Partizani 0-1 KF Tirana

Finalja e Kategorisë Superiore U-19

Apolonia – KF Tirana

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat