Kapiteni i Romës para finales: Jemi këtu për të fituar…

Futboll

Kapiteni i Romës para finales: Jemi këtu për të fituar…

Më: 24 maj 2022 Në ora: 18:46
Kapiteni i Romës para finales: Jemi këtu për të fituar…

Kapiteni i Romës, Lorenco Pelegrini, ishte i pranishëm në konferencën për shtyp në prag të finales së Konferen Ligës, ndaj Fejnordit, që do të zhvillohet në Tiranë ditën e mërkurë. Mesfushori roman, u premtoi tifozëve se verdhekuqtë do të bëjnë gjithçka për të fituar këtë trofe historik.

“Mendoj që është thjesht një finale. Do të jetë një ndeshje vendimtare. Nuk mund të them që Roma ka avantazh, por mund të them që do të bëjmë gjithçka për të fituar këtë ndeshjen.  Ne do ta luajmë siç tha trajneri, duke u përpjekur të kurorëzojmë rrugën tonë të rritjes.

Një finale është ndryshe nga ndeshjet e tjera. Ajo që dua t’u them shokëve të skuadrës është thjesht një falënderim. Pavarësisht se si do të shkojë e ndeshja e nesërme, edhe nëse duam të fitojmë, do të vazhdoj t’i falënderoj për këtë vit. Të gjithë ata janë vënë gjithmonë në dispozicion dhe ne sakrifikuam për njëri-tjetrin. Kjo është ajo që bën një grup i vërtetë dhe një ekip konkurrues. Për mua, si kapiten, kur ke ndjenjën se ke një ekip të vërtetë, gjithçka është më e thjeshtë.

Duam t’i qetësojmë, Roma do të dalë në fushë nesër për të fituar. Po, mendoj se është normale dhe është mirë ta kesh atë në vend që të ulesh në shtëpi dhe të shikosh të tjerët duke luajtur. I marr të gjitha përgjegjësitë, nesër do të jetë një ndeshje e madhe dhe një ditë e mrekullueshme.

Po, mendoj se e nisëm sezonin në mënyrë pozitive, pastaj patëm një moment ku ndryshuam formë, pastaj gjëja më e rëndësishme është rritja e kësaj skuadre nga çdo këndvështrim. Edhe në kampionat. Kjo kupë do të ishte qershia mbi tortë për rritjen tonë dhe rrugën që kemi bërë”, u shpreh kapiteni Pelegrini.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat