Duka uron Tiranën për titullin kampion

Futboll

Duka uron Tiranën për titullin kampion

Më: 26 maj 2022 Në ora: 22:45
Duka uron Tiranën për titullin kampion

Tirana është kurorëzuar kampione për të 26-n herë në historinë e saj.

“Abissnet Superiore” përfundoi sot edicionin 2021/2022, megjithëse verdikti për kreun e renditjes ishte dhënë pak javë më parë. Armand Duka ka uruar bardheblutë përmes llogarisë së tij në “Facebook”, duke shpresuar që kampionët e Shqipërisë të kenë një përfaqësim sa më dinjitoz në arenën ndërkombëtare këtë verë.

“Urimet më të mira KF Tiranës! Klubi kryeqytetas është shpallur sot kampion i Shqipërisë në përfundim të një kampionati që dhuroi spektakël, gola dhe plot emocione të bukura.

Një sukses i merituar ai i Tiranës për atë që ky ekip dha në fushën e lojës.

Dua t’i shpreh edhe një herë urime dhe suksese lojtarëve, stafi teknik, drejtuesve dhe të gjithë administratës bardheblu për këtë titull të 26-të kampion. Shpresoj që Tirana ta përfaqësojë sa më denjësisht futbollin europian në arenën ndërkombëtare këtë sezon”, uron Armand Duka.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat