Drita e Gjilanit nuk e arriti qëllimin e saj, mposhtet në finale të Kupës së Kosovës, me rezultat 2:1 nga Llapi i Podujevës.
Drejtori sportiv i klubit, Valon Murseli, justifikohet se nuk ishte nata e tyre.
“Drita mbi gjithçka.
Të dashur sportdashës dhe simpatizantë të Dritës, mbrëmë nuk ishte nata jonë më e mirë, po ky është futbolli/sporti dhe duhet ta pranojmë.
Ky dështim do të na shërbejë si motiv drejt sukseseve në sfidat e radhës.
Një gjë është e sigurt, asnjë humbje nuk e zvogëlon dashurinë ndaj klubit dhe as fitorja nuk e shton atë.
FC Drita peshon më shumë se një trofe apo titull dhe e tillë do të jetë gjithmonë.
Forca djema, forca Drita”, ka shkruar Murseli në profilin e tij në facebook.
