Formacioni më i mirë i Conference League

Futboll

Formacioni më i mirë i Conference League

Më: 27 maj 2022 Në ora: 18:46
Formacioni më i mirë i Conference League, Feyenoord “mposht” Romën

Roma është skuadra e parë që shkruan emrin në librin e artë të fituesve të Conference League, kompeticionit më të ri të UEFA-s, që kulmoi me finalen e Tiranës më 25 maj, aty ku verdhekuqtë triumfuan me rezultatin minimal 1-0 ndaj holandezëve të Feyenoord.

Lorenzo Pellegrini ishte kapiteni i verdhekuqve, që ngriti lart trofeun pas plot 14 vitesh pritje, teksa mesfushori italian u shpall edhe futbollisti më i mirë i kompeticionit nga vetë UEFA në cilësinë e organizatores.

Krahas kapitenit, në formacionin më të mirë janë edhe romanët e tjerë si Rui Patricio, Smalling e Abraham, ndërsa 11-shja plotësohet Payet i Marseille, Hall i Leicester dhe plot 5 futbollistë të Feyenoord, ndonëse holandezët e mbyllën kompeticionin të dytët.

Geertruida, Trauner, Malacia në mbrojtje, Dessers në sulm dhe Sinisterra në mesfushë janë pjesë e 11-shes, me këtë të fundit që u shpall edhe i riu më i mirë i kompeticionit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat