UEFA sqaron shkakun e nisjes me vonesë të finales

Futboll

UEFA sqaron shkakun e nisjes me vonesë të finales

Më: 29 maj 2022 Në ora: 00:24
UEFA sqaron shkakun e nisjes me vonesë të finales

Në mënyrë të paprecedentë, finalja e Ligës së Kampionëve në Paris u shty me 36 minuta dhe shkak u bë vonesa e hyrjes së tifozëve në shkallët e stadiumit, si dhe disa të tjerë që kaluan rrethimin për t’u future në perimetrin e sigurisë.

Në përfundim të finales, UEFA ka lëshuar edhe një deklaratë, duke shpjeguar shkakun e nisjes me vonesë në ndeshjes, teksa ka paralajmëruar edhe hetim të thelluar për ngjarjen.

“Në hyrje për në tribunat e rezervuar a për tifozët e Liverpoolit, rrotullueset që hapeshin duke njohur bar-kodin e biletës, u bllokuan, pasi shumë tifozë të Liverpoolit u paraqitën aty me bileta false.

Kjo shkaktoi radhë të gjata dhe u desh ndërhyrja e policisë, duke përdorur edhe gaz lotsjellës, për të shpërndarë turmën e tifozëve dhe lejimin e atyre që kishin një biletë të rregullt.

UEFA është e shqetësuar për ata që janë prekur nga kjo ngjarje dhe do të nisë menjëherë hetimin për gjithë sa ndodhi, bashkë me policinë franceze dhe federatën e futbollit atje”, thuhej në deklaratën e UEFA-s.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat