Ancelotti: Jam njeri i rekordeve!

Futboll

Ancelotti: Jam njeri i rekordeve!

Më: 29 maj 2022 Në ora: 00:42
Ancelotti: Jam njeri i rekordeve!

Carlo Ancelotti u bë trajneri me më shumë Champions League të fituara në karrierë, plot 4 të tilla, dy me Milanin dhe dy me Realin e Madridit, të fundit pikërisht mbrëmjen e kaluar në “Stade de France” ndaj Liverpoolit.

Tekniku i mirënjohur italian, i cili mori drejtimin e madrilenëve vetëm verën e kaluar, deklaroi se është mjaft I lumtur me këtë arritje, teksa nuk u kurseu komplimentet për skuadrën e tij.

“Nuk mund ta besoj këtë arritje, kemi qenë fantastikë dhe kemi bërë diթka të jashtëzakonshme.

Vuajtëm shumë, sidomos në pjesën e parë, por në fund mendoj se e merituam këtë sukses.

Jam një rekordmen dhe jam shumë i lumtur. Erdha në skuadër vitin e kaluar dhe gjeta një grup fantastik, me lojtarë shumë të fortë psikologjikisht.

Kemi kaluar pengesa shumë të mëdha, me ndihmën e jashtëzakonshme të tifozëve tanë, të cilët e meritojnë të festojnë bashkë me ne sonte. Courtois? E pabesueshme. Nuk mund ta besoj çfarë ka pritur”, tha Ancelotti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat