Uzuni ka një premtim për tifozët

Futboll

Uzuni ka një premtim për tifozët

Më: 11 qershor 2022 Në ora: 23:54
Uzuni ka një premtim për tifozët

Sulmuesi i Shqipërisë, Myrto Uzuni, e nisi titullar sfidën kundër Izraelit, të cilën kuqezinjtë tanë e humbën me përmbysje 1-2. Pas mungesës në Islandë, Uzuni u rikthye titullar kundër Izraelit, por nuk arriti të lërë gjurmë.

Megjithatë, bomberi kuqezi duket optimist për shanset e Shqipërisë në UEFA Nations League këtë sezon dhe u ka premtuar tifozëve të Shqipërisë se lojtarët e Kombëtares do të luftojnë deri në fund.

“Dua t’i falënderoj të gjithë tifozët që na mbështesin në ditë të mira dhe në ditë negative. Do të luftojmë deri në fund. Forca Shqipëri!”, shkroi Uzuni.

Shqipëria ka vetëm 1 pikë pas dy ndeshjeve të para, ndërsa Izraeli kryesues ka 4 pikë. Islanda renditet në vendin e dytë, me 2 pikë.

comment Për komente lëvizni më poshtë
Sot mund të lexoni Shfletoni kopertinat