Lajm i mirë për tifozët e Partizanit të Tiranës

Futboll

Lajm i mirë për tifozët e Partizanit të Tiranës

Më: 24 qershor 2022 Në ora: 19:59
Lajm i mirë për tifozët e Partizanit të Tiranës

UEFA i ka dhënë dritën jeshile klubit të Partizanit për të luajtur ndeshjes kualifikuese për në Ligën e Konferencave në stadiumin “Air Albania”.

Partizani do të sfidojë gjeorgjianët e Saburtalo Tbilisi në raundin e parë të Conference League dhe sipas vendimit, ndeshja e parë do të luhet më 7 korrik në Tbilisi, ndërsa dueli i kthimit pas një javë në Tiranë.

“Demat” kanë publikuar një komunikatë zyrtare në faqen e tyre, aty ku lajmërojnë tifozët e kuq se përballja e kthimit do të zhvillohet në “Air Albania”, lajm që gëzon ultrasit e Partizanit.

“Klubi Partizani me kënaqësi njofton se ndeshja e kthimit Partizani-Saburtalo, e vlefshme për turin e parë të Europa Conference League, do të zhvillohet në stadiumin ‘Air Albania’.

Impianti i kryeqytetit do të jetë stadiumi pritës i të kuqve për takimin ndaj gjeorgjianëve të Saburtalo në program të enjten, datë 14 korrik ora 20:00”, lexohet në postimin zyrtar të klubit kryeqytetas.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat