Wijnaldum pritet të rikthehet në Premier League

Futboll

Wijnaldum pritet të rikthehet në Premier League

Më: 25 qershor 2022 Në ora: 11:58
Wijnaldum

Georgino Wijnaldum pritet të rikthehet në Premier League këtë verë, pas një sezoni zhgënjyes te Paris Saint Germain, ku luajti shumë pak dhe nuk arriti të lërë gjurmë.

Ndonëse është nën kontratë me PSG-në, holandezi mund të lihet I lirë, pasi nuk bën pjesë në planet e drejtuesve të klubit, që do të lirohej në këtë mënyrë nga paga mjaft e lartë e Wijnaldum, që përfiton rreth 10 milionë euro neto në sezon.

Klubet e Premier Leagues që kanë shfaqur interes për holandezin, janë të shumta, megjithatë vetë mesfushori ka favorizuar negociatat me Evertonin, pasi dëshiron të rikthehet në Liverpool, aty ku qëndroi për 5 sezone në periudhën 2016-2021.

Holandezi 31-vjeçar shkëlqeu me Liverpoolin, por refuzoi të rinovojë verën e kaluar dhe u largua si lojtar I lirë, megjithatë vitin e ardhshëm mund ta shohë veten në kampin kundërshtar të “the reds”, pikërisht klubin tjetër të qytetit, Evertonin.

Synimi i Wijnaldum është të gjejë një klub ku t’i garantohet vendi i titullarit, pasi dëshiron me çdo kusht pjesëmarrjen në Kupën e Botës Katar 2022 dhe për momentin Franck Lampard është i vetmi që i ka garantuar rol primar në ekip.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat