Futbollist nuk ka ndërmend të heqë dorë

Futboll

Futbollist nuk ka ndërmend të heqë dorë

Më: 25 qershor 2022 Në ora: 17:04
Alexis Sanchez

Në shtëpinë e Inter-it ka ardhur koha për të menduar për të ardhmen e disa lojtarëve që konsiderohen si të tepërt. Një nga këta është padyshim Alexis Sanchez.

Sulmuesi kilian nuk bën më pjesë në planet e klubit dhe zikaltrit do të provojnë t’i gjejnë një skuadër të re ose të gjejnë një marrëveshje për lamtumirën.

Është e vështirë të bëhet një hipotezë në lidhje me atë që mund të jetë destinacioni i lojtarit, i cili, për shkak të një rroge 7 milionë euro në sezon, ka disa vështirësi që të gjejë një skuadër që të jetë e gatshme ta paguajë këtë shifër.

Pikërisht rroga duket se ka bllokuar bisedimet me Marseille e trajnerit Smapaoli, një nga klubet që janë vënë në lëvizje për Sanchez në javët e kaluara.

Futbollist nuk ka ndërmend të heqë dorë as nga një qindarkë nga rroga e tij dhe kjo është ajo që bllokon pjesën më të madhe të negociatave.

Ideja e fundit, sipas calciomercato.com, duket se është Sevilla e Monchi-t, por edhe në këtë rast do të duhen rishikuar shifrat e kontratës.

E vetmja gjë e sigurt është se Inter-i nuk ka ndërmend t’i besojë më kilianit sezonin e ardhshëm dhe do të provojë ta largojë me çdo mënyrë të mundshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat