​E kryer, Gabriel Jesus lojtar i Arsenalit

Futboll

​E kryer, Gabriel Jesus lojtar i Arsenalit

Më: 26 qershor 2022 Në ora: 19:29
​E kryer, Gabriel Jesus lojtar i Arsenalit

Gabriel Jesus do t’i bashkohet Arsenalit me një marrëveshje të përhershme, tani është 100% e kryer dhe e përfunduar.

Kështu raporton gazetari i njohur Fabrizio Romano i cili thotë se Arsenali pati një kontakt të ri të drejtpërdrejtë me lojtarin dhe agjentin e tij Marcelo Pettinati ku edhe është arritur marrëveshja mbi kushtet personale.

Gabriel Jesus do të nënshkruajë kontratë deri në qershor 2027 si lojtar i ri i Arsenalit, që ishte prioriteti i tij kryesor prej shumë kohësh.

Manchester City tashmë ka pranuar propozimin përfundimtar për çmimin prej 45 milionë funteve, siç u zbulua të premten.

Gjashtë klube iu drejtuan agjentëve të Gabriel Jesus, por prioriteti i tij ka qenë gjithmonë Arsenali. Drejtori Edu dhe Mikel Arteta, ishin kyç për të përfunduar marrëveshjen.

Arsenali do të shpallë Gabrielin si nënshkrimin e tretë pas Matt Turner dhe Fábio Vieira.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat