Higuain me fjalë të mëdha për Benzeman

Futboll

Higuain me fjalë të mëdha për Benzeman

Më: 27 qershor 2022 Në ora: 16:27
Gonzalo Higuain dhe Karim Benzema

Gonzalo Higuain dhe Karim Benzema dikur konkurronin për një vend titullari në ekipin e parë të Real Madridit.

Herë njëri ishte më në formë dhe luante me shumë, e herë tjetri.

Në fund, jetë më të gjatë në “Santiago Bernabeu” pati sulmuesi francez, i cili luan qe më shumë se një dekadë në Madrid.

E ish-bashkëlojtarin e tij tash po e lavdëron sulmuesi argjentinas, i cili i pati disa eksperienca pas largimit nga Reali.

“El Pipita” thotë se e kishte pritur që Benzema të arrinte në nivelet e sotme, kur konsiderohet si lojtari më i mirë në botë i momentit dhe favorit absolut për ta fituar Topin e Artë për sivjet.

“E njoh Karimin që kur isha 19 vjeç. Jo vetëm që ishim dakord dhe që ishim në garë për të njëjtën pozitë në fushë, por e kemi pasur gjithmonë një raport të mirë. Nuk më befason që sot është lojtari më i mirë në botë”, deklaroi ish-futbollisti i Real Madridit, Napolit, Juventusit, Milanit e Chelseat në një intervistë për “TyC Sport”.

34 vjeçari aktualisht është pjesë e klubit amerikan, Inter Miami. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat