Prishtina ndërpret bashkëpunimin me 4 lojtarë

Futboll

Prishtina ndërpret bashkëpunimin me 4 lojtarë

Më: 29 qershor 2022 Në ora: 16:02
Prishtina

Afati kalimtar te Prishtina. Rekordmenët e futbollit dardan, që këtë sezon do të drejtohen në stol nga i mirënjohuri Ismet Munishi, kanë ndërprerë bashkëpunimet me 3 lojtarë.

Me anë të postimeve në faqen zyrtare të klubit, bardhekaltrit kanë njoftuar largimet e Aleksandar Ristevski, Josip Tomasevic, Sadam Sulley dhe Agim Zekën. I pari luan si qendërmbrojtës dhe u transferua te Prishtina në shkurtin e këtij viti.

30-vjeçari nga Maqedonia e Veriut, i cili provoi një aventurë të shkurtër edhe te Vllaznia në fazën e parë të sezonit 2019/2020, nuk ia doli të lërë shenjën e tij tek ekipi kryeqytetas.

Me Prishtinën e ka mbyllur edhe Tomasevic, 28-vjeçari kroat që luan si qendërmbrojtës, mbrojtës i djathtë dhe shkatërrues. Edhe ky kaloi nën urdhrat e ekipit dardan në shkurt, por zhvilloi vetëm 12 ndeshje me Prishtinën.

Bashkëpunimi është ndërprerë edhe me Sulley, sulmuesin nga Gana, i cili zbarkoi në Prishtinë në janarin e këtij viti. 16 takime në total luajti 25-vjeçari afrikan, duke shënuar shtatë gola në total për Prishtinën.

Edhe Agim Zeka duhet të vijojë karrierën diku tjetër. Ish-lojtari i Shqipërisë U21, erdhi në merkaton e janarit nga Drita. Sulmuesi i djathtë regjistroi 13 ndeshje me Prishtinën, duke gjetur rrugën e rrjetës në një rast të vetëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat