Lukaku: Jam këtu për të bërë edhe më mirë se herën e parë

Futboll

Lukaku: Jam këtu për të bërë edhe më mirë se herën e parë

Më: 29 qershor 2022 Në ora: 21:20
Lukaku

Romelu Lukaku është lojtari më i ri i In\teri pasi e ka kompletuar rikthimin ne këtë skuadër pasi Interi dhe Chelsea kanë arritur marrëveshje për huazimin e lojtarit për një sezon.

Në fjalët e tij të para si lojtar zikaltër, Lukaku ka thënë se dëshiron të bëjë shumë më mirë se sa herën e kaluar te Interi.

“Është ndjenjë fantastike. Ajo çfarë ne arritëm këtu para një viti ishte fantastike, ato shkojnë për tifozët, klubin dhe mua personalisht. Interi më ka dhënë shumë dhe shpresoj të bëjë edhe më mirë se herën e fundit. Tani është koha të punojmë shumë si skuadër dhe shpresoj të bëjë edhe më mirë se herën e parë”, ka thënë Lukaku.

Për të ardhmen e tij pas një viti, agjenti i Lukakut ka thënë se kur të vijë koha, palët do të ulen dhe do të bisedojnë nëse ai do të kthehet te Chelsea, apo do të arrihet marrëveshje përfundimtare për kalimin e tij te Interi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat