Ismajlgeci: Jemi gati për Champions, e njohim kundërshtarin

Futboll

Ismajlgeci: Jemi gati për Champions, e njohim kundërshtarin

Më: 30 qershor 2022 Në ora: 22:44
Ismajlgeci

Pasi është rikthyer nga Turqia, Tirana vijon me përgatitjet në kryeqytet në kuadër të Champions League, aty ku bardheblutë marrin pjesë në raundin e parë dhe do të sfidojnë në datat 6 dhe 13 korrik ekipin nga Luksemburgu, Dudelange. Nga seanca stërvitore, për Supersport foli Marsel Ismajlgeci i cili pas largimit të Erjon Hoxhallarit pritet të mbajë shiritin e kapitenit për të cilën shprehet se është një privilegj ndërsa shtoi se Tirana e njeh kundërshtarin pasi e kanë studiuar Dudelange nëpërmjet videove.

Shiriti i kapitenit- “Është privilegj që të jesh kapiten në moshën 22-vjeçare, pasi është ekipi më i titulluar dhe më i madh në Shqipëri. l besoj se çunat do ma bëjnë më të lehtë pasi janë shumë të mirë.

Faza përgatitore- “Kemi zhvilluar një fazë shumë të mirë në Turqi.

Kemi organizuar dhe disa miqësore dhe them se jemi gati për ndeshjet e Champions. Është e vërtetë që ishte rivali më i pranueshëm, por kemi parë videot e kundërshtarit dhe e dimë se çfarë janë në gjendje të bëjnë dhe çfarë kapaciteti kanë. Këdo që të kemi kundër ne japim maksimumin dhe ekipi besoj se do të jetë në 100% e tij për të dhënë maksimumin”.

Tifozët- “Tifozët janë lojtari i 12-të i ekipit dhe do na ndihmojnë shumë. Diçka që e kanë lajmëruar dhe vetë ata që do të jenë në Luksemburg. Në ndeshjen e kthimit kam besim se do të jetë plot stadiumi”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat