Partizani me sponsor të ri

Futboll

Partizani me sponsor të ri

Më: 2 korrik 2022 Në ora: 13:12
Partizani me sponsor të ri

Partizani vazhdon përgatitjet për dy duelet ndaj Saburtalo Tbilisi në raundin e parë të Conference League. Skuadra e Dritan Mehmetit do të luajë takimin e parë në Gjeorgji (7 korrik), ndërsa sfida e kthimit do zhvillohet në “Air Albania” një javë më vonë.

Ekipi i kuq është rikthyer në kryeqytet pas fazës përgatitore në Slloveni, aty ku zhvilloi edhe 3 takime miqësore: duke fituar një e barazuar dy të tjerat.

Ndërkohë, drejtuesit e klubit kryeqytetas kanë zbuluar sponsorin e ri të klubit, që është Macron, kompania e njohur e veshjeve sportive.

Partizani me kënaqësi njofton për nënshkrimin e marrëveshjes me ‘Macron’. Kompania e njohur e veshjeve sportive “Macron” do të jetë zyrtarisht sponsori i ri teknik i Partizanit, për sezonin e ri 2022-2023.

Duke filluar nga përballjet e Europa Conference League ndaj FC Saburtalo skuadra do të prezantohet me uniformat e reja të firmës ‘Macron’”, lexohet në postimin e Partizanit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat