Arsenali nis misionin për të transferuar talentin turk

Futboll

Arsenali nis misionin për të transferuar talentin turk

Më: 2 korrik 2022 Në ora: 14:12
Arsenali nis misionin për të transferuar talentin turk

Arda Guler është monitoruar nga një numër i madh klubesh evropiane, por Arsenali thuhet se ka ndërmarrë hapat e parë për të nënshkruar me talentin e ri nga Turqia.

Ai është vetëm 17-vjeç, por ai ka treguar aftësitë e tij tashmë te Fenarbahçe – teksa vlerësohet si “Mesut Ozili i ri”.

Mediumi turk “Aksam” ka raportuar se Arsenali ka filluar procesin e transferimit të të riut në Londër. Stili i tij i lojës thuhet gjithashtu se është i ngjashëm me atë të Ozilit.

“Topçinjtë” janë duke u treguar aktivë në këtë afat kalimtar, me trajnerin Mikel Arteta që po përforcon skuadrën për sezonin e ardhshëm.

Klubi nga Londra deri më tani ka nënshkruar me lojtarët si Matt Turner, Marquinho e Fabio Vieira, teksa mungon vetëm edhe zyrtarizimi i Gabriel Jesus.

Megjithatë, edhe ndërtimi i skuadrës për të ardhmen është një synim i drejtorit, Edu, dhe trajnerit Arteta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat