Nis zyrtarisht bashkëpunimi Barça-Spotify!

Futboll

Nis zyrtarisht bashkëpunimi Barça-Spotify!

Më: 2 korrik 2022 Në ora: 19:17
Nis zyrtarisht bashkëpunimi Barça-Spotify!

1 korriku ishte një ditë historike për Barcelonën dhe “Camp Nou”, që u bë zyrtarisht “Spotify Camp Nou”.

Klubi katalanas dhe kolosi i audio-streaming më të famshëm në botë kanë nisur kështu bashkëpunimin pa humbur kohë.

Tashmë partneri kryesor zyrtar i klubit, Spotify, është i dukshëm në “Camp Nou”, ku u zbulua dhe logoja në ballin e stadiumit me lojtarët e skuadrave të para të futbollit të femrave dhe meshkujve. Pedri, Maria Leon, Ansu Fati, Alexia Putella, Aubameyang dhe Aitana Bonmati, bashkë me emrin e “Spotify Camp Nou” në qendër.

Një minirevolucion ky pasi është hera e parë në histori që futbollistet e Barçës janë në ballinën e “Camp Nou”. Veç të tjerash, “Spotify” do të shfaqet nga sezoni i ri për 4 vitet e ardhshme edhe në pjesën e përparme të fanellave të Barcelonës.

Një zgjedhje preçise, pasi me aleancën e tyre Barça dhe Spotify kërkojnë të bashkojnë botën e futbollit dhe muzikës, duke krijuar edhe eksperienca për ata që frekuentojnë tribunat e “Camp Nou”, që, veç të tjerash, do të bëhet një pike takimi edhe për artistë nga gjithë bota. Kolosi i Streaming do të kalojë edhe në një tjetër kufi, pasi struktura dhe rrethinat e stadiumit do të transformohen në qendër argëtimi të hapur të nivelit botëror në qytetin e Barcelonës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat