Ja kur prezantohen Kessie dhe Christensen

Futboll

Ja kur prezantohen Kessie dhe Christensen

Më: 2 korrik 2022 Në ora: 20:37
Ja kur prezantohen Kessie dhe Christensen

Rinovimi i kontratës së sulmuesit francez, Ousmane Dembélé, me Barcelonën, është më pranë se kurrë. Palët nuk lëvizën nga pozicionet e tyre prej shumë muajsh (që nga fundi i vitit të kaluar), por tashmë dallimet mes ofertës dhe kërkesës janë minimale. Orët e ardhshme pritet dakordimi edhe për detajet më të vogla para se të njoftohet zyrtarizimi i marrëveshjes së re.

Klubi kërkon të zgjidhë situatën sa më shpejt që të jetë e mundur për ta vënë lojtarin në dispozicion të Xavit që në ditën e parë të përgatitjeve parasezonale.

Ndërkohë, afrimet e reja, Kessié dhe Christensen, do të prezantohen nga Barça javën e ardhshme. Njoftimi zyrtar pritet mes të dielës dhe së hënës. Dy lojtarët përfunduan kontratat e tyre më 30 qershor dhe refuzuan të rinovojnë për Milanin dhe Chelsea-n, përkatësisht.

“Do të prezantojmë Kessién të mërkurën dhe Christensen të enjten”, – siguroi presidenti i Barçës gjatë një eventi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat