Drita para sfidë me Inter Turkun! Nuhiu: Nesër ndeshje e vështirë

Futboll

Drita para sfidë me Inter Turkun! Nuhiu: Nesër ndeshje e vështirë

Më: 5 korrik 2022 Në ora: 21:56
Nuhiu: Nesër ndeshje e vështirë

Klubi i Dritës së Gjilanit, ka zhvillur seancën e fundit stërvitore në prag të ndeshjes së raundit të parë të garave në Conference League, ku do të takohet me FC Inter Turku nesër, në orën 17:00 .

Për ndeshjen që zhvillohet në Veritas Stadium në Turku, kryetrajneri i FC Drita, Ardian Nuhiu thekson se do të jetë përballje e vështirë, por ka besim te skuadra që tashmë është ndërtuar.

“Do te jetë një përballje e vështirë, pasi bëhet fjalë për një skuadër shumë të mirë me grup të mirë të lojtarëve dhe një trajneri që ka ide të kjarta. Megjithatë, edhe ne kemi pasur kohën e mjaftueshme gjatë kësaj faze përgatitore dhe me futbllistët kemi studiuar kundërshtarin dhe duhet t’i mbyllim pikat e tyre të forta.

Ne duhet t’i shfrytëzojmë cilësitë tona, kam besim te skuadra që do të bëjë një performancë të mirë. Djemtë kanë punua shumë gjatë kësaj faze dhe tani jemi gati për këtë sfidë. Skuadra jonë do të duket ndryshe nga viti i kaluar falë grupit që kemi ndërtuar”, ka theksuar trajneri ynë Nuhiu.

Atmosferë e mirë dhe optimist janë edhe futbollistët, për cka kapiteni Ardian Limani tha se ndjehen të sigurtë që bashkë me prurjet e reja do të shfaqin një ndeshje të mirë.

“Ne si futbollistë ndjehemi të sigurtë që do të shfaqim një ndeshje të mirë.

Grupi është shumë i mirë dhe mezi presim të luajmë së bashku me prurjet e reja, sepse janë përshtatur shpejt me skuadrën.

Inter Turku eshte skuadër e mirë, por mendoj që ne kemi kualitetin e duhur për ta bërë më të mirën e fituar ndeshjen. Nesër duhet të luajmë shpejt dhe mos të gabojmë në lojën tonë. Kemi pergatitur gjithcka qe i duhet ndeshjes”, ka përfunduar Limani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat