Gripshi: Nuk e merituam barazimin

Futboll

Gripshi: Nuk e merituam barazimin

Më: 5 korrik 2022 Në ora: 22:29
Gripshi

Kampioni i Kosovës, Ballkani ka debutuar me barazim në arenën ndërkombëtare.

Në ndeshjen e vlefshme për raundin e parë kualifikues në Ligën e Kampionëve, skuadra e drejtuar nga Ilir Daja luajti baras me Zalgirisin.

Ndeshja e zhvilluar sonte në stadiumin “Fadil Vokrri” përfundoi me rezultatin 1:1. Të dy golat u shënuan në 45 minutat e parë.

Autori i golit të Ballkanit, Nazmi Gripshi, pas ndeshjes tha se beson në kualifikimin tutje.

“I bëra një dhuratë vetes sepse shënova për ditëlindje. E pashë hapësirën dhe mendova të godisja, pastaj e pashë topin në rrjetës. Shpresën për kualifikim do ta kemi deri në fund. Nuk e merituam barazimin sonte. Në qoftë se luajmë si sonte, mendoj se nuk na mungon asgjë për të kaluar tutje”, u shpreh Gripshi.

Ndeshja e kthimit do të zhvillohet pas një jave në Lituani..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat