Fati e ka vënë Boljeviçin përsëri përballë Laçit. Lojtari malazez vjet mbante veshur fanellën e Podgoricës, me të cilën u eliminua nga Liga e Konferencës pikërisht prej kurbinasve. Sot, një vit më pas bardhezinjtë do të jenë përsëri rivali i parë në Europë, por këtë herë Boljeviç do të luajë pr stemën e Iskras. Futbollisti 34-vjeçar i tregon “Vijesti.me” si është të luash ndaj Laçit, ku shpreson që Guindo të mos jetë më pjesë e kurbinasve, duke ditur potencialin e madh që ky sulmues zotëron.
“Është vërtet e pabesueshme që luaj sërish kundër Laçit prej shortit. Nuk e kisha ëndërruar kurrë që një epilog i tillë ishte i mundur. Ne e dimë se ata janë një ekip i mirë, por do të shohim. Flitet edhe për largime dhe sinqerisht shpresoj që lojtari i Kombëtares së Malit, Saliou Guindo të largohet, sepse është një sulmues fantastik i shpejtë dhe i fortë, lojtari kundër të cilit nuk do të luash.
Ajo që dimë është se kundër nesh do të luajnë lojtarët tanë ndërkombëtarë Marko Roganoviç dhe Dejan Zarubica. Zarubica na shkaktoi shumë probleme dhe loja e tij është edhe arsyeja e eliminimit të vitit të kaluar.
Laci është skuadra “vendase” dhe është shumë e rëndësishme të përfitohet nga periudha e pasivitetit dhe të panjohurave në ndeshjen e parë.
Të arrijmë rezultatin më të mirë të mundshëm para ndeshjes së kthimit në Mal të Zi dhe atëherë shanset tona janë të mëdha. Mbaj mend që pas një loje të dobët në ndeshjen e parë, ata na befasuan në ndeshjen e dytë me cilësinë, sulmin dhe topin që hodhën dhe qarkulluan rreth portës sonë. Ata na mposhtën, portieri Nikola Iveziç na mbajti në lojë dhe në minutën e 93-të patëm një mundësi për të kaluar”, ka thënë Vladimir Boljeviçi.
