Ish-lojtari i Anglisë, habit për Messin

Futboll

Ish-lojtari i Anglisë, habit për Messin

Më: 6 korrik 2022 Në ora: 22:23
Messi

Danny Mills ish-lojtari i përfaqësueses angleze ka shprehur mendimin e tij për situatën e Lionel Messi te Paris Saint-German. 45-vjeçari ka deklaruar se fituesi i shtatë topave të artë do të kishte vështirësi për të gjetur një vend në formacionin titullar të tre skuadrave kryesore në  Premier League.

Mills beson se midis Liverpool, Man City dhe Tottenham Hotspur 35-vjeçari nuk do të gjente vend në ekip për shkak të formës në rënie të tij gjatë sezonit të fundit por megjithatë ai ende beson se Argjentinasi është lojtari më i mirë në botë që ai ka parë ndonjëherë pasi nuk ka parë live duke luajtur dy legjendat Johan Cruyff dhe Djego Armando Maradona.

Në krahasimin me Cristiano Ronaldon ai tha se, portugezi në shifra mund të jetë pak më mirë se Messi dhe se ai është një lojtar shumë i veçantë në ndeshjet e mëdha, por përsa i përket një futbollisti të pastër, Messi është më i madhi.

Argjentinasi në sezoni e tij të parë në Francë hasi vështirësi të shumta në përshtatjen me ekipin dhe kaloi një sezon shumë të vështirë jo në nivelin e duhur që të gjithë janë mësuar ta shohin.

35-vjeçari në sezonin e kaluar në Ligue 1 zhvilloi 25 paraqitje duke shënuar vetëm gjashtë gola. Megjithatë, ai fitoi titullin kampion me Paris Saint-Germain por dështuan në objektivin kryesor për fitimin e Champions League.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat