Një kritikë të cilës klubi bergamask i është përgjigjur

Futboll

Një kritikë të cilës klubi bergamask i është përgjigjur

Më: 6 korrik 2022 Në ora: 23:54
Gjimshiti

“Jemi gjithmonë të njëjtit. Toloi, Gjimshiti, De Run dhe Frojler ishin që para mbërritjes time këtu”.

Fjalët e trajnerit Xhampiero Gasperini në intervistën e tij për “La Gazzetta Dello Sport”, dukeshin qartësisht si një kritikë e fortë ndaj klubit që nuk kishte bërë ndërhyrjet e rëndësishme që kishte premtuar në merkato.

Një kritikë të cilës klubi bergamask i është përgjigjur menjëherë pikërisht nëpërmjet mbrojtësit shqiptar.

Në rrjetet sociale, klubi ka postuar shpejt video të cilat Gjimshiti do i kujtojë me shumë kënaqësi. Bëhet fjalë për dy golat e tij në ndeshjen ndaj Olimpiakos që i siguruan një përmbysje 2-1 skuadrës italiane dhe e ndihmuan të kalonte turin në Ligën e Europës.

Të duhet një përmbysje? Më mirë telefono Gjimin”, është komenti i klubit italian i cili kësisoj ka vendosur t’i përgjigjet flakë për flakë trajnerit duke i kujtuar se pikërisht garda e vjetër me Gjimshitin në krye ishte ajo që shpesh kishte bërë diferencën për bergamaskët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat