Kukësi ndahet me mesfushorin Bahtirin

Futboll

Kukësi ndahet me mesfushorin Bahtirin

Më: 7 korrik 2022 Në ora: 13:30
Kukësi

Kukësi ka ndryshuar shumë nga sezoni i kaluar. Shtatë lojtarë janë larguar deri tani, dy të tjerë janë huazuar (Victor Feijao dhe Edison Ndreca), ndërkohë që sot ka ardhur edhe largimi i dhjetë.

Klubi verilindor ka njoftuar ndërprerjen e bashkëpunimit me Kreshnik Bahtirin, 29-vjeçarin nga Lipjani.

Mesfushori zhvilloi 18 ndeshje me Kukësin, teksa ia doli të shënonte një gol në Superiore.

"Kukësi njofton mbylljen e bashkëpunimit me mesfushorin Kreshnik Bahtiri. Pas diskutimeve mes klubit dhe mesfushorit Bahtiri, u vendos ndërprerja e bashkëpunimit mes palëve.

Bahtiri u transferua te Kukësi sezonin e shkuar ku u aktivizua në 14 ndeshje duke shënuar edhe një gol. Klubi i Kukësit e falënderon Bahtirin për kontributin e dhënë dhe i uron suksese në karrierën e tij”.

Ndërkohë, Bahtiri komentoi shkurt: “Falënderoj klubin për mundësinë e dhënë dhe tifozët për mbështetjen. Kukësin do e kem gjithmonë në mendje e zemër“, njofton Kukësi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat