Chelsea prezanton portierin e ri nga MLS

Futboll

Chelsea prezanton portierin e ri nga MLS

Më: 3 gusht 2022 Në ora: 11:08
Chelsea prezanton portierin e ri nga MLS

Portieri amerikan, Gabriel Slonina, është zyrtarisht futbollist i Chelsea-t. 18-vjeçari ka nënshkruar kontratë gjashtëvjeçare me “Blutë”, pra deri në vitin 2028.

“Gardiani” adoleshent ishte pjesë e skuadrës së MLS-së, Chicago Fire, ku do të vijojë të luajë në formë huazimi deri në përfundim të sezonit, përpara se të transferohet në Londrën perëndimore në fillim të vitit 2023.

Slonina u bë futbollisti më i ri Chicago Fire kur nënshkroi marrëveshje profesionale me klubin në vitin 2019, kur ishte vetëm 14 vjeç. Ai është gjithashtu portieri më i ri i aktivizuar titullar në një ndeshje të MLS, pasi ka debutuar për Fire në moshën 17 vjeç e 81 ditë në gusht 2021.

Slonina që atëherë është bërë titullar fiks, duke luajtur çdo minutë deri më sot. Ai numëron 34 paraqitje në total për klubin.

Slonina ka përfaqësuar Shtetet e Bashkuara me përfaqësueset e moshave, teksa në dhjetor është grumbulluar me ekipin e parë në fitoren 1-0 në miqësoren ndaj Bosnjë Hercegovinës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat