Titullari i mbrojtjes largohet nga Partizani

Futboll

Titullari i mbrojtjes largohet nga Partizani

Më: 9 gusht 2022 Në ora: 16:44
Titullari i mbrojtjes largohet nga Partizani

Egzon Belica nuk është më futbollist i Partizanit. Klubi kryeqytetas njoftoi pasditen e kësaj marteje se 31-vjeçari ka gjetur gjuhën e përbashkët me drejtuesit për të ndërprerë me konsensus bashkëpunimin. Prej disa ditësh futbollisti kishte lënë fazën përgatitore dhe kishte nisur bisedimet për ndërprerjen e kontratës, diçka që u konkretizua në fillimin e kësaj jave.

Belica u transferua tek të kuqtë në janarin e vitit 2018, duke kaluar 4 edicione e gjysmë me fanellën e Partizanit. 31-vjeëari arriti që të fitonte titullin kampion dhe një Superkupë Shqipërie, duke qenë protagonist absolut, pasi ishte një titullar fiks në formacionin e kryeqytetasve.

Të kuqtë duhet të nxitojnë jo vetëm për të gjetur zëvendësuesin e Dritan Mehmetit, por dhe për të plotësuar vakancën që lë Belica, i cili në sezonin e shkuar u aktivizua në 24 ndeshje të plota, duke qenë dhe lojtari më i aktivizua në radhët e skuadrës së “demave”.

Në të shkuarën Belica ka qenë pjesë e Rigas, Inter Turkut, Shkendijës, Concordia Chiajna, Ohrid  Lihnidos dhe Rabotniçkit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat