Liridon Krasniqi në Tajlandë

Futboll

Liridon Krasniqi në Tajlandë

Më: 10 gusht 2022 Në ora: 12:32
Liridon Krasniqi në Tajlandë

Liridon Krasniqi do ta nis një aventurë të re në karrierën e tij futbollistike.

Mesfushori nga Kosova prej vitesh është bartur në futbollin aziatik ku ka arritur suksese shumë të mëdha në karrierën e tij.

Krasniqi ka fituar trofe të shumtë në Malajzi, derisa ka marrë edhe shtetësinë e këtij vendi dhe po luan për Kombëtaren e Malajzisë.

30-vjeçari karrierën do ta vazhdoi në Tailandë, ku tanimë ka nënshkruar për skuadrën Khon Kaen United FC.

Ish-reprezentuesi i Kosovës po konsiderohet si transferim i madh nga kjo skuadër e cila synon të fitojë titullin e parë në histori të klubit.

Vitiasi ka një karrierë shumë të pasur sidomos në Azi, ku ka luajtur për Kedah FC, Melaka United e Johor DT ku ende ka kontratë dhe është huazuar te Khon Kaen.

Liridoni luajti një vit si i huazuar edhe në Australi te Newcastle Jets dhe një tjetër vit në Indi te Odisha FC.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat